کروڑاں آرزو واں غم نے لکھاں یا رسول اللہ
میں کتھے سانبھ کے ایہناں نوں رکھاں یا رسول اللہ
غلاماں جھولیاں آقا تیرے در تے وچھایاں نے
تسیں انھیاں نوں دئے چھڈ دے او اکھاں یا رسول اللہ
زمانہ سمجھدا اے سب توں بھارے نے گنہ میرے
تے ہولا سمجھیا گلیاں دے ککھاں یارسول اللہ
نان غم اوہناں نوں دُنیا دا ناں ڈر اوہناں نوں محشر دا
جنہاں نوں تیریاں ہندیاں نے رکھاں یا رسول اللہ
ناں منگے گا کدی صائم کوئی نعمت زمانے دی
تیرے دیدار دی لذت جے چکھاں یا رسول اللہ
شاعر کا نام :- علامہ صائم چشتی
کتاب کا نام :- کلیات صائم چشتی