مدینے دا نُوری چمن الله الله
در مصطفے دی پھبن الله الله
میں تطہیر دی پاک چادر توں صدقے
جہدے ہیٹھ سن پنج تن الله الله
سدا کر رہے چن تے سورج نچھاور
در شہ توں اک اک کرن الله الله
دنے دیندا گنبد نوں سورج سلامی
دوے بوسے راتاں نوں چن الله الله
اوہ دنیا تے جنت دی بن گئی کیاری
جتھے پھر دے محبوب سن الله الله
ہے نور آقا میرے دا ہر ہر جگہ تے
ہے طیبہ چ زندہ بدن الله الله
اہدے در تے جھولی وچھائی اے صائم
خدا جہدی گل لیندا من الله الله
شاعر کا نام :- علامہ صائم چشتی
کتاب کا نام :- کلیات صائم چشتی