میں چاکر کملی والے دا ہوراں دا کھاواں تے گل کجھ نئیں
جیہڑا امتی امتی کہندا رہیا اوہدے گیت نہ گاواں تے گل کجھ نئیں
سرکار کرم فرماؤندے نے جتھے یاد کرو اوہ آؤندے نیں
میں مشکل دے وچ سوہنے نوں دیواں نہ صداواں تے گل کجھ نئیں
ویکھن محبوب نگینے نوں ٹری جاون لوگ مدینے نوں
اک میں ای دور مدینے توں بھردا رہواں ہاواں تے گل کجھ نئیں
اوہدے نام دی ایسی نیتی اے جند یار حوالے کیتی اے
اوہدے مے خانے چوں پیتی اے ہن تھڑک جاواں تے گل کجھ نئیں
امت دیاں یاداں فرشاں تے امت دیاں یاداں عرشاں تے
بھلیا نئیں جیڑا امت نوں اوہنوں میں بھل جاواں تے گل کجھ نئیں
سرکار دی کرم نوازی اے نت پڑھدا نعت نیازی اے
اوہدا شکر بجاون لئی اوہدی محفل نہ سجاواں تے گل کجھ نئیں
شاعر کا نام :- عبدالستار نیازی
کتاب کا نام :- کلیات نیازی