میرے دل وی کدی پا پھیرا مدینے دیا چن سوہنیا
سارے جگ وچ چانن تیرا مدینے دیا چن سوہنیا
والیل زلفاں دا گھونگھٹ اُٹھا کے
والشمس مُکھڑے دا جلوہ دکھا کے
کر قسمت دا دُور ہنھیرا مدینے دیا چن سوہنیا
حال اپنے دل دا کس نوں سناواں
در تیرا چھڈ کے کس در تے جاواں
تیرے باہجھ نہیں کوئی میرا مدینے دیا چن سوہنیا
ٹھنڈ پوے اکھیاں چہ ٹھر جائے سینہ
جے مینوں آقا دکھاویں مدینہ
جتھے لگا اے رحمت دا ڈیرا مدینے دیا چن سوہنیا
جُھکدے نے در تیرے اُتے پیغمبر
حُوراں فرشتے دھرتی تے امبر
تیرا سب تھیں شان اُچیرا مدینے دیا چن سوہنیا
شاعر کا نام :- علامہ صائم چشتی
کتاب کا نام :- کلیات صائم چشتی