میرے کملی والیا محبوبا
کوئی تیرے جئی سرکاروی نہیں
تیرے ورگا سارے عالم وچ
کوئی دردی نہیں غمخوار وی نہیں
ایہ فیصلہ پاک قرآن دا اے
حب نبی دی جز ایمان دا اے
اوہدی بخشش ہر گز نئیں ہونی
جہنوں عشق نبی مختار وی نئیں
جہناں یار دا نقش پکایا اے
ایہہ اوہناں آکھ سنایا اے
ہر ویلے یار دا ناں لینا
ایہدے ورگی کوئی کار وی نہیں
چل ٹھارئیے سڑ دے سینے نوں
اٹھ چلئے شہر مدینے نوں
سر جا رکھئیے اوہدی چوکھٹ تے
کچھ ساہواں دا اعتبار بھی نہیں
کوئی طور اتے کوئی چوتھے فلک
کوئی سدرہ دی حد تیک گیا
بناں کملی والے آقا دے
کوئی لنگھیا عرشوں پار وی نئیں
میرے سر تے پنڈ خطاواں دی
مینوں لوڑ کرم دیاں چھاواں دی
میرے ورگا او گہنار وی نہیں
تیرے ورگا بخشن ہار وی نہیں
دے بدل نصیب نیازی دے
سن درد غریب نیازی دے
اے شاناں والیا محبوبہ
تیرے کرم دا انت شمار وی نئیں
شاعر کا نام :- عبدالستار نیازی
کتاب کا نام :- کلیات نیازی