محمدؐ ورگا کون اے رہنما ہور
کوئی اونا نہیں جگ تے مصطفٰی ہور
نبوت آپؐ تے ہوئی مکمل
کوئی نعمت دا در نہیں کھلّنا ہور
مسخر آپؐ دھرت اسمان کیتے
عطا ہویا ایہہ کس نوں مرتبا ہور
ہے پونجی آپؐ دی اللہ دا عرفان
نہیں محرم آپ ورگا رب دا ہور
سواری شوق دے گھوڑے تے کیتی
بہادر کوئی نہیں حضرت جیہا ہور
خدا نے شان ایہہ کس تائیں بخشی
کنہوں رحمت بنا کے گھلیا ہور
بھلائی چاہویں جے دو جگ دی تائب
نبیؐ دا درد سینے وچ رچا ہور
شاعر کا نام :- حفیظ تائب
کتاب کا نام :- کلیاتِ حفیظ تائب