مقدر سنوارے مدینہ مدینہ
میرا دل پکارے مدینہ مدینہ
کرے ختم سب بے قراری دِلاں دی
سکینت اُتارے مدینہ مدینہ
اُنہاں دا عقیدہ اے کناں پیارا
جو لوندے نے نعرے مدینہ مدینہ
مدینے چوں اک روز آؤنا بلاوا
جپی جا توں پیارے مدینہ مدینہ
خُدا دے خزانے سی جیہڑے وی جھولی
ہے پا بیٹھا سارے مدینہ مدینہ
صغیرا کبیرا گناہواں نوں دھوندا
کرے ناں نتارے مدینہ مدینہ
گناہواں بھرے رُوسیاہواں نوں صائم
سنوارے نکھارے مدینہ مدینہ
شاعر کا نام :- علامہ صائم چشتی
کتاب کا نام :- کلیات صائم چشتی