نعت امبر دے جلوے اکھراں وچ وکھاواں کیویں
تارے جو جو کر دے گلاں آکھ سناواں کیویں
ازلاں توں ہوندا اوندا اے ذکر مبارک اوہدا
اوہدیاں نعتاں تے باتاں نوں اگانہاں ودھاواں کیویں
لبداں توڑی جاری رہسن نغمے عشق نبیؐ دے
انت اوہدا کوئی پا نہیں سکدا میں دس پاواں کیویں
مضموناں دے سُندر بن کیویں کراں احاطہ
خوشبوں دے ملک دوالے گھیرا پاواں کیویں
بحر ثنا دی تہہ دے اندر چانن لگا دِسّے
میں نہیں غوطہ خور ایہہ موتی کڈھ لیاواں کیویں
کرچی کرچی فن شیشے کِنّےروپ اتاراں
ہچکی ہچکی سُر وچ دل دا راگ سناواں کیویں
دل تختی تے لکھیا ہویا نام نبیؐ دا تائب
مالک میرے حال تے کیتیاں ہین عطاواں کیویں
شاعر کا نام :- حفیظ تائب
کتاب کا نام :- کلیاتِ حفیظ تائب