نعتِ محبوبِ خدا ہو لازمی

نعتِ محبوبِ خدا ہو لازمی

روز و شب یہ سِلسِلہ ہو لازمی

---

مِدحتِ رُخ کی اگر ہے آرزو

شرحِ والشمس و ضُحیٰ ہو لازمی

---

سر بُلندی چاہئے تو روبرو

سیرتِ خیرالوریٰ ہو لازمی

---

خاکِ طیبہ سے کرو اپنا علاج

چاہتے ہو گر شِفا ہو لازمی

---

راحتیں ہی راحتیں مِل جائیں گی

ذکر بس صلّے علیٰ ہو لازمی

---

لُطف فرماتے ہُوئے آِئیں گے وہ

قلب میں غارِ حِرا ہو لازمی

---

دستگیری کو ابھی وہ آئیں گے

شرط ہے دل سے صدا ہو لازمی

---

زندگی کٹ جائے گی آرام سے

پیرویٔ مصطفیٰ ہو لازمی

---

ہے یہی ایمان جانِ بندگی

دل میں آقا کی وِلا ہو لازمی

---

سرفرازی چاہئے مرزا اگر

تُم سے ہر اِک کا بھلا ہو لازمی