پا کے گھنڈ میم دا مکھڑے تے پیارا آیا
نور خالق دا حلیمہ دا دُلارا آیا
آگیا باپ یتیماں دا محمد سوہنا
عاصیو ! خُوشیاں مناؤ کہ سہارا آیا
جھکیا جنت دا اے سر عرش وی نینواں ہویا
دیکھ دھرتی دا بلندی تے ستارا آیا
اک تجلی نے جہیدی طور دا سُرمہ کیتا
اوہو مُڑ کے دے وچ جلوه دوبارا آیا
جھنڈا کعبے تے کسی جبریل نے لایا آئے
آمنہ پاک دی جد اکھیاں دا تارا آیا
چن سُورج دا پیا حسن سی پھکا صائم
کملی والے دا نظر جاں سی نظارا آیا
شاعر کا نام :- علامہ صائم چشتی
کتاب کا نام :- کلیات صائم چشتی