کیف پایا اے ہواواں نے مدینے وچوں
خیر منگیا اے شفاواں نے مدینے وچوں
نور دے نال زمانے نوں منور کیتا
نور پر نور شعاواں نے مدینے وچوں
رون خوشیاں نوں وی آیا سی مدینے جا کے
درد گل لایا سی چاواں نے مدینے وچوں
پیر جس دن توں ہے سرکار نے پایا آ کے
دور ہو گئیاں بلاواں نے مدینے وچوں
اوہ دس سکدے ناں دسیا اے کسے توں جاندا
فیض جو پایا گداواں نے مدینے وچوں
درد تے سوز جے ملدا اے دلاں نوں صائم
مل دیاں نالے دواواں نے مدینے وچوں
شاعر کا نام :- علامہ صائم چشتی
کتاب کا نام :- کلیات صائم چشتی