شاناں والا ذیشان نبی کل نبیاں دا سلطان نبی
معراج دی راتیں جا بنیاں مرے اللہ دا مہمان نبی
اوہدا سوہنا سوہنا لے کے ناں ہر ویلے موجاں کردا ہاں
میں مکدی گل مکا دیواں میری خوشیاں دا سامان نبی
اوہ مرکز نور خزینے سا اوہ والی شہر مدینے وا
اوہدا ذکر سہارا جینے دا مری جان نبی مری آن نبی
پئے ایویں مغز کھپاو ناں مری مرض نوں ہور ودھاؤ ناں
اوہدی دید ہے دارو دُکھاں دا مرے درداں دا درمان نبی
اوہ آؤ ناں وقت سہاناں ایں اوہناں سدناں ایں اسیں جاناں ایں
رحمت دے خزانے تھیں کرسن پر سبھناں دے دامان نبی
وچہ قبر سوال جواب ہوسن عملاں دے حساب کتاب ہوسن
جدوں مینوں پچھیا میں کہناں مرا دین نبی ایمان نبی
اوہ دارو غم دیاں ماریاں دا وہ چارہ گر بے چاریاں دا
جنہیں رکھیا مان نیازی دا ہے دو عالم دی جان نبی
شاعر کا نام :- عبدالستار نیازی
کتاب کا نام :- کلیات نیازی