یا محمد دو جہاں میں آپ سا کوئی نہیں

یا محمد دو جہاں میں آپ سا کوئی نہیں

انبیاء لاکھوں ہیں ختم الانبیاء کوئی نہیں

---

یا شفیع المذنبین یا رحمتہ اللعالمین

آبرو رکھنا سر محشر میرا کوئی نہیں

---

میرے دامن میں سجا دو گلشن طیبہ کے پھول

ورنہ بیمار محبت کی دوا کوئی نہیں

---

آپ ہی بگڑی بناتے ہیں ہر اک نادار کی

آپ جیسا مہرباں تو دوسرا کوئی نہیں

---

صدقہ اپنے لاڈلوں کا مری جھولی بھی بھرو

ہاتھ خالی آپ کے در سے گیا کوئی نہیں

---

سب کا اس دنیا میں ہے کوئی نہ کوئی دستگیر

ایک میں ہوں کہ مرا ان کے سوا کوئی نہیں

---

دردِ دل کس کو سناؤں آپکے ہوتے ہوئے

آپ جیسا یا نبی درد آشنا کوئی نہیں

---

اپنے قدموں میں ہی رکھ لیجے نیازی کو حضور

اور تو اس کے علاوہ مدعا کوئی نہیں