جس کرماں والے تے لوکو
میراں دی نظر ہو جاندی اے
اوہنوں عرش فرش کی سونہہ رب دی
دو جگ دی خبر ہو جاندی اے
میرے غوث دی گل تے اک پاسے
اوہدے من والے جے چاہون
مک جاندی رات غماں والی
خوشیاں دی سحر ہو جاندی اے
عمراں دا رونا مک جاوے
جیہڑی بھار عقیدت چک جاوے
جیہڑی میراں دے در جھک جاوے
اور زیر زبر ہو جاندی اے
میراں دے دیوانے نوں لوکو
پئے اینویں بولیاں ماروناں
ایہ مشکل وچ جد پے جاندا
میراں نوں خبر ہو جاندی اے
کر ہوش حقیر نہ کہو سانوں
دنیا دا فقیر نہ کہو سانوں
اسیں منگتے میراں دے در دے
ساڈی وی گزر ہو جاندی اے
جدوں کرئیے گلاں یار دیاں
بغداد والی سرکار دیاں
نہیں ہندی خبر دیوانیاں نوں
کیبڑے وقت فجر ہو جاندی اے
انیویں یار نیازی ڈولئے نا
غیراں دے سہارے ٹولئے نا
اوہدا کرم ہو وے تے زندگی دی
ہر رات بسر ہو جاندی اے
شاعر کا نام :- عبدالستار نیازی
کتاب کا نام :- کلیات نیازی