نیویں اے سوچ شان اچیری امام دی
آدم دی آن بان دلیری امام دی
سر پیش کیتا حق دی شہادت دے واسطے
حق دی زبان طبع سچیری امام دی
اتھرو وی اون اوہدی سلامی دے واسطے
جس ویلے آوے یاد گھنیری امام دی
حق والیاں دی رِیت سی جاناں لٹاوناں
قربانی پر سی سب توں ودھیری امام دی
حق والیاں دے نال اوہ کھیندی اے اج تیک
ویری سی جیہڑی لال ہنیری امام دی
اج وی اے اوہدے ونڈے ہوئے جذبیاں دی لوڑ
رہبر اے اج وی ذات بھلیری امام دی
شاعر کا نام :- حفیظ تائب
کتاب کا نام :- اَصحاَبِی کَاالنُّجُوم