بھنور وچ ڈولدا میرا سفینہ
کرم دی اک نظر شاہ مدینہ
ملے سب کچھ تیری عظمت توں آقا
جے سر وارن دا آجاوے قرینہ
اہدا ہمسر پیا بن دا اے واعظ
جہدا ہمسر کوئی مرسل ، نبی ناں
اہدے ناں توں کمینے لوک سڑ دے
جہدا ناں لیندیاں ٹھردا اے سینہ
کدوں پھر نور دے مل دے نظارے
جدوں بھر جاوندا دل وچ ہے کینہ
میرا محبوب جد ہویا سی پیدا
ملی ہر ماں نُوں اولاد نرینہ
کدوں ہووے گا حاضر فیر آقا
ترے در تے ترا صائم کمینہ
شاعر کا نام :- علامہ صائم چشتی
کتاب کا نام :- کلیات صائم چشتی