اہدی جھولی کدی رہندی نہیں خالی
جو ہے میرے محمد دا سوالی
ایہہ منیاں رب نے ہے گُلشن سجایا
میرا محبوب پر ایہدا ہے مالی
کسے وی حال دے اندر خُدا نے
کوئی وی گل نہیں سوہنے دی ٹالی
اہدے ارشاد توں قربان کردے
تمامی فلسفے رازی غزالی
زمانہ کی اے بس جلوے نے اوہدے
سوا اوہدے ہے سب نقش خیالی
اہدے متھے دا ڈہلکے نور چن وچ
شفق وچ اوہدے رُخساراں دی لالی
ملے صائم صلہ نعت نبی دا
کرن منظور جے ہنجواں دی ڈالی
شاعر کا نام :- علامہ صائم چشتی
کتاب کا نام :- کلیات صائم چشتی