حضورؐ آپؐ نے ذروں کو ماہتاب کیا
اماوسوں کے مقدّر کو آفتاب کیا
گلی گلی ہے ترےؐ فیض کا چلن آقاؐ
نگر نگر تریؐ نظروں نے فیضیاب کیا
مرے حضورؐ کی کس کس ادا کا ذکر کروں
نظر سے خارِ مغیلاں کو بھی گلاب کیا
ہمیں حضورؐ کی اُمت کا بخش کر اعزاز
خدا نے دونوں جہانوں میں کامیاب کیا
میں کیوں نہ شکر بجا لائوں اپنے مولا کا
کرم حضورؐ نے اشفاقؔ بے حساب کیا
شاعر کا نام :- اشفاق احمد غوری
کتاب کا نام :- صراطِ خلد