Who wrote the lyrics "جب کن فکاں کا حسن دمِ مصطفیٰؐ سے ہے"?

پروفیسر محمد طاہر صدیقی is the poet who wrote the lyrics of "جب کن فکاں کا حسن دمِ مصطفیٰؐ سے ہے."

In which book are the lyrics "جب کن فکاں کا حسن دمِ مصطفیٰؐ سے ہے" written?

These lyrics are included in the book "طرحِ نعت."

The lyrics are written in urdu.

"جب کن فکاں کا حسن دمِ مصطفیٰؐ سے ہے" is categorized as a naat.

سارے جہاں کا حسن دمِ مصطفیٰؐ سے ہے

کون و مکاں کا حسن دمِ مصطفیٰؐ سے ہے

تخلیق انؐ کے نام پہ خلدِ بریں ہوا

باغِ جِناں کا حسن دمِ مصطفیٰؐ سے ہے

انوارِ مصطفیٰؐ سے ہیں آراستہ ہوئے

ہر آسماں کا حسن دمِ مصطفیٰؐ سے ہے

معراج کی ہے شب جو شہِؐ دیں کی رہگزر

اُس کہکشاں کا حسن دمِ مصطفیٰؐ سے ہے

طیبہ کی سمت ہے جو رواں ذوق ووق سے

اُس کارواں کا حسن دمِ مصطفیٰؐ سے ہے

مدحت سے انؐ کی ہے مرے فنِ سخن کو اوج

رنگِ بیاں کا حسن دمِ مصطفیٰؐ سے ہے

ہیں آپؐ ہی سے شعر کی معجز نمائیاں

ہر نعت خواں کا حسن دمِ مصطفیٰؐ سے ہے

صد رشکِ فرش و عرش ہے دہلیز آپؐ کی

ہر آستاں کا حسن دمِ مصطفیٰؐ سے ہے

ہیں لہجۂ بلالؓ پہ قربان مہر و ماہ

اُنؓ کی اذاں کا حسن دمِ مصطفیٰؐ سے ہے

جس میں سرور و مستی و کیف و سکون ہے

ہر اُس سماں کا حسن دمِ مصطفیٰؐ سے ہے

وجدان پر جو فصلِ بہاراں کا ہے نزول

حسنِ بیاں کا حسن دمِ مصطفیٰؐ سے ہے

باہوؒ ہوں یا فریدؒ ہوں یا داتا گنج بخش

سب خواجگاں کا حسن دمِ مصطفیٰؐ سے ہے

یہ خوب سے ہے خوب جو سارے جہان میں

حفظ و اماں کا حسن دمِ مصطفیٰؐ سے ہے

کتاب کا نام :- طرحِ نعت