جدوں آوندی یاد مدینے دی اکھیاں چوں اتھرو وگدے نے
میرے کملی والے دے در تے دکھ مکدے سارے جگ دے نے
طیبہ دے بندے اک پاسے اوہدے کتیاں دا وی ادب کریں
ربدی درگاہ وچ شان بڑے سوہنے دے دردے سگ دے تے
کھا کھا کے قسماں دسدا اے رب شان انہاں سب گلیاں دی
میرے سوہنے کملی والے دے جتھے قدم مبارک لگدے نے
اوہ جنت کسی کم عاشق دے جتھے یار دا جلوہ نہیں دسدا
جتھے ڈیرہ یار دا اوہ کوچے سانوں جنت ورگے لگدے نے
ہن تے محبوبا سد درتے اس کوہجی کرماں ماری نوں
ہن بھانبڑ مچ گئے سینے وچ تیری فرقت والی اگ دے نے
چھڑ یار نیازی سب جھگڑے ٹر چلئے شہر مدینے نوں
جتھے ربدی رحمت دے دریا ہر ویلے رہندے وگدے نے
شاعر کا نام :- عبدالستار نیازی
کتاب کا نام :- کلیات نیازی