جیون دا مزہ تاں ایں اک ایسی گھڑی ہووے
سرکار دا در ہووے ہنجواں دی لڑی ہووے
سونہہ حشر دے مالک دی، اوہنوں حشر دا ڈر کوئی نہیں
شبیر دے نانے نے بانہہ جس دی پھڑی ہووے
سپ لڑ دا تے لڑ جاوے اوہنوں زہر نہیں چڑھ سکدا
مازاغ نگاہواں تھیں اکھ جس دی لڑی ہووئے
ناں آکھ کدی سکدوں اپنے جہیا سوہنے نوں
والفجر دی سُورت جے مُلاں توں پڑھی ہووے
انصاری دے گھر لاگے ، گھر بنناں سی سوہنے دا
محبوب دی ڈاچی کیوں وچ راہ دے کھڑی ہووے
عاماں دی نہیں گل کردا نبیاں چوں وکھا کوئی
جہدی عرش تے اسواری بن اُس دے چڑھی ہووے
طیبہ دی زمیں ورگی ، دھرتی نہ کوئی صائم
ہیرے دی کنی بھاویں تھاں تھاں تے جڑی ہووے
شاعر کا نام :- علامہ صائم چشتی
کتاب کا نام :- کلیات صائم چشتی