مدینے والیا ایک وار آجا
میری بیڑی نوں آکے پار لاجا
تیرے باہجوں اے سُنجا دل دا ویہڑا
کرم کر کے کدی ایہنوں وسا جا
میں داسی تیرے در دے چاکراں دی
تُوں سب نبیاں رسولاں دا ایں راجا
اُڈیکاں کر دیاں گذری حیاتی
کدی وچ خواب دے مکھڑا وکھا جا
میں مک چلیاں ہاں تیرے ہجر اندر
میرے دُکھ ہن تے محبوبا مٹا جا
سدا وسے تیرا دربار شاہا
مری کُلی نوں وی آکے وسا جا
پیاسے ترس دے نے نین میرے
کدی تے جام نظراں دے پلا جا
خیال مُصطفے جے آ گیا ایں
سما جا میرے دل اندر سما جا
کدوں صائم نوں آقا آکھنا ایں
مدینے آن کے نعتاں سنا جا
شاعر کا نام :- علامہ صائم چشتی
کتاب کا نام :- کلیات صائم چشتی