کراں فریاد میں تڑپاں تے روواں یارسول اللہ
غماں دے ہار ہر ویلے پروواں یارسول اللہ
خُدا جانے کرم کر کے کدوں تشریف لے آؤ
میں در پلکاں دے اک پل وی ناں ڈھوواں یارسول اللہ
مرے مُک جان غم سارے تے ٹھر جاوے میرا سینہ
تیرے دربار تے حاضر جے ہوواں یارسول اللہ
میرے خالی نے ہتھ نالے حیا اوندی اے جُرماں توں
کیویں میں زائراں اندر کھلوواں یارسول الله
میرے جُرماں دے وچ پل پل اضافہ ہندا جاندا اے
بتھیرے داغ اشکاں نال دھوواں یارسول اللہ
میری قسمت دے صائم ہنیرے جد اوندے جوانی تے
تساڈی یاد کر دیندی اے لوواں یارسول الله
شاعر کا نام :- علامہ صائم چشتی
کتاب کا نام :- کلیات صائم چشتی