یاد کردے رہو زُلف محبوب دی، ول مقدر دے سارے نکل جان گے
کملی والے دے ناں دا وظیفہ کرو، سارے تقدیر دے وار ٹل جان گے
جہیڑا غاراں چ رویا اے ساڈے لئی، اوہدی فُرقت چ اتھرو بہایا کرو
سرد نار جہنم نوں کر دین گے، اشک جہیڑے وی پلکاں تو ڈھل جان گے
صدقہ حسنین دا آ وی جا سوہنیا، پیاس تشنہ نظر دی بجھا سوہنیا
جام ملیا جے ناں تیرے دیدار دا، نین ہنجواں چ ڈبے وی جل جان گے
میں کی کرناں ایں دُنیا چ نام و نشاں، بن کے ذرے غُبار مدینہ بناں
اوہدے پیراں دیوچ جہیڑے رُل جان گے، تاریاں نال ذرے اوہ رل جان گے
بُھل جا جُرماں گناہواں خطاواں دی گل، ویکھ دوہاں جہاناں دی رحمت دے ول
جے نہیں چنگے عمل چل مدینے نوں چل، کھوٹے سکے وی طیبہ چ چل جان گے
ہر طرف غم تے دُکھاں دا طوفان ایں، کملی والا بچاوے گا ایمان ایں
عاشقاں دا نئیں سکد اعقیدہ بدل، دن بدل دے بدل دے بدل جان گے
خوف صائم نوں دوزخ دی کی نار دا، میں ہاں بندہ رسولاں دے سردار دا
کملی والا چُھڑا دے گا محشر دے دن، جد گنہگار قیدی مچل جان گے
شاعر کا نام :- علامہ صائم چشتی
کتاب کا نام :- کلیات صائم چشتی