اوہنوں جان کہواں یا جان دی وی اُس سوہنے نوں میں جان آکھاں
جہیدی نعت خُدا پیا پڑھدا اے اہدی نعت دا کی عنوان آکھاں
کیا نکتہ سوہنا دس دتا مینوں گولڑے والے ماہی نے
جس شان توں شاناں سب بنیاں اُس شان دی اوہنوں شان آکھاں
جو دیس قدس چوں آیا ابے جو سیراں کردا اے عرش دیاں
اوہنوں آکھاں واسو عرشاں دا یا عرشاں دا مہمان آکھاں
دونویں عالم اوسے دے فیضان دا صدقہ قائم نے
ہے شان اوہدی توں ایہہ تھلے جے دو جگ دا سلطان آکھاں
ایہنوں اُس دی صُورت آکھ دیاں جو بے صُورت کہلاندا اے
جہیدا پتہ نشان نہ مل دا اے ایہنوں اُس دا پاک نشان آکھاں
يُوحٰى تے يَدُ الله دے معنے مُرشد نے ایہہ سمجھائے نے
اوہدے ہتھ نوں رب دا ہتھ آکھاں اوہدی گل تائیں قرآن آکھاں
قرآن نے ایہو دسیا اے ایمان وی ایہو ہے میرا
محبوب دی اُلفت نوں صائم اسلام آکھاں ایمان آکھاں
شاعر کا نام :- علامہ صائم چشتی
کتاب کا نام :- کلیات صائم چشتی