آ رَل کے تے ہنجواں دے کُجھ ہار بنا لیَّے
سرکار دے در اُتے دامن نوں وچھا لیَّے
میں نعت عناندا ہاں صلواۃ توں پڑھدا رہو
دو گھڑیاں اَج دل دے انج تار ملا لیَّے
میں غم ورتاندا ہاں توں اشک بہاندا رہو
انج ہجر دے ویلے نوں رو رو کے لنگھا لیَّے
طیبہ وچ جاون دا سامان جے نہیں ہندا
طیبہ دے نظارے نوں اکھیاں چ سجا لیَّے
جے ہجر دے مارے دل قابو وچ نہیں اَوندے
تصویر مدینے دی سینے نال لا لیَّے
کمزور اسیں دونویں مجبور اسیں دونویں
پنڈ ہجر جدائیاں دی رل مل کے چا لیَّے
سُنیا ایں کہ ہنجواں نوں اوہ موڑ دے نئیں واپس
محبوب نوں اَج صائم رو رو کے منا لیَّے
شاعر کا نام :- علامہ صائم چشتی
کتاب کا نام :- کلیات صائم چشتی