رات دن لگیاں نے تاہنگاں تیریاں
عربی ڈھولا سُن لے عرضاں میریاں
کوئی ڈر نہیں حشر دا تے قبر دا
جے ناں توں محبوب اکھیاں پھیریاں
وچ اُڈیکاں وقت آخر آگیا
تاجدارا ہُن ناں کرناں دیریاں
کالیاں زلفاں دا صدقہ رحم کر
کالیاں راتاں نے آساں گھیریاں
کیویں دامن نُوں بچاواں سوہنیا
ہر طرف نے کنڈیاں بھریاں بیریاں
میرے حصے دی خوشی سب کھو لئی
کر کے اس دنیا نے ہیرا پھیریاں
خوش مقدر نے مدینے پاک وچ
بن گئیاں صائم جہناں دیاں ڈھیریاں
شاعر کا نام :- علامہ صائم چشتی
کتاب کا نام :- کلیات صائم چشتی