مرے محبوب تے لکھاں صلوٰتاں
جہدے بولاں دے وچ قنداں نباتاں
چمک اُٹھے نے چن سورج تے تارے
نبی دے حُسن تو لَے لَے زکوٰتاں
مری قسمت وی محبوبا بدل دے
تیرے ہتھ وچ نے سب قلماں دواتاں
کدوں اُٹھنا یزیدیت دا پہرہ
کدوں تک خوں پینا ایں فراتاں
گنہگاراں دی خاطر شاه عالم
لنگھایاں نے تُساں رو رو کے راتاں
کدی کردے او جا کے لامکاں تے
خدا دے سامنے گلاں تے باتاں
ترے دربار تے ہُندے نے حاضر
جنہاں دیاں سوہنیاں چنگیاں براتاں
کی اُس دی نعت لکھ سکدا اے صائم
خدا خود جس دیاں پڑھدا اے نعتاں
شاعر کا نام :- علامہ صائم چشتی
کتاب کا نام :- کلیات صائم چشتی