لگا ہے رُوح کو ہر وقت اک گھن
تجسُّس میں ہیں پائے جُستجو سُن
تامُّل برطرف، یہ ہے بڑا پُن
نسیما! جانبِ بطحا گزر کُن
ز احوالم محمدؐ را خبر کن
تری ہے ذات وہ ذات ممجّد
کہ اُمّت کو ہے جس پر ناز بے حد
ترا سِکّہ رواں، تیری ہی مَسَند
توئی سلطانِ عالَم یا محمدؐ
ز رُوئے لطف سُوئے من نظر کُن
رہیں الطاف ہر دم یا محمدؐ
ٹلے سَر سے شب غم یا محمدؐ
ترے ہیں اُمّتی ہم یا محمدؐ
توئی سلطانِ عالَم یا محمدؐ
ز رُوئے لطف سُوئے من نظر کُن
جگر میں ٹیس ہے سَر میں ہے سودا
بنا ہوں میں تو دردِ دل سراپا
غمِ فرقت میں بے تابی نے مارا
بِبَرایں جان مشتاقم در آنجا
فدائے روضۂ خیر البشرؐ کُن
مدینے کے لیے دل ہے مُشَوَّش
نظر میں ہے وہیں کا حُسنِ دلکش
نصیرؔ آنے لگے ہیں پے بہ پے غَش
مشرف گرچہ شد جامیؒ ز لطفش
خدایا ایں کرم بارِ دگر کُن
شاعر کا نام :- سید نصیرالدیں نصیر
کتاب کا نام :- دیں ہمہ اوست