نہ طاقت ہے نہ مجھ میں ہے کوئی گُن
مگر دل کو ہے شہرِ شاہؐ کی دُھن
یہ میری التجا بہرِ خدا سُن
نسیما! جانبِ بطحا گزر کن
ز احوالم محمدؐ را خبر کُن
وہ کوئی نیک ہو یا ہو کوئی بد
کسی کو در سے تُو کرتا نہیں رَد
نہیں ہے تیری رحمت کی کوئی حد
توئی سلطانِ عالم یا محمدؐ
ز رُوئے لطف سُوئے من نظر کُن
نہیں ہے اب وہ دَم خَم یا محمدؐ
عطا ہو عزمِ محکم یا محمدؐ
تری شاہی مُسلَّم یا محمدؐ
توئی سلطانِ عالم یا محمدؐ
ز رُوئے لطف سُوئے من نظر کُن
صبا تُو جانتی ہے درد میرا
یہ مُرغِ رُوح قیدی ہے بدن کا
یہاں دم گھُٹ رہا ہے بے محابا
بِبَر ایں جانِ مشتاقم در آنجا
فدائے روضۂ خیر البشرؐ کُن
پئے دیدار تھی بے حد کشاکش
نصیرؔ اکثر مجھے پڑتے رہے غش
اچانک خواب میں دیکھا وہ مہ وَش
مشرّف گرچہ شد جامیؒؔ ز لطفش
خدایا ایں کرم بارِ دگر کُن
شاعر کا نام :- سید نصیرالدیں نصیر
کتاب کا نام :- دیں ہمہ اوست