سارے ناموں سے کنارا کیجئے
یارسول اللہ پُکارا کیجئے
کہاتا پھِرتا ہے قمر یہ فلک پر
پھِر سے اُنگلی کا اشارا کیجئے
عرش بولا میری خاطر یا نبی
آپ جوڑے نہ اُتارا کیجئے
دیکھا ہے طیبہ جنہوں نے اِک دفعہ
کرم اُن پر پھر دوبارہ کیجئے
اَے گُلو اُن کا پسینہ چوم کر
اپنی قسمت کو سنوارا کیجئے
دیکھ کہنا جان و دل حاؔکم اُنہیں
قبول یہ تُحفہ ہما را کیجئے
شاعر کا نام :- احمد علی حاکم
کتاب کا نام :- کلامِ حاکم