Who wrote the lyrics "طیبہ کا شہر، شہرِ نِگاراں ہے آپ سے"?

سید حب دار قائم is the poet who wrote the lyrics of "طیبہ کا شہر، شہرِ نِگاراں ہے آپ سے."

In which book are the lyrics "طیبہ کا شہر، شہرِ نِگاراں ہے آپ سے" written?

These lyrics are included in the book "مداحِ شاہِ زمن."

The lyrics are written in urdu.

"طیبہ کا شہر، شہرِ نِگاراں ہے آپ سے" is categorized as a naat.

طیبہ کا شہر، شہرِ نِگاراں ہے آپ سے

’’لطف و کرم کی بزمِ درخشاں ہے آپ سے‘‘

دورِ خزاں کا آپ ہی سرکار ہیں علاج

صحرائے زندگی میں بہاراں ہے آپ سے

نامِ نبی کو جب سے بنایا ہے آسرا

مشکل ہر ایک راہ کی آساں ہے آپ سے

شاداب آپ کی ہی ولا سے ہے نخلِ جاں

دل کا دیار، رشکِ گُلِستاں ہے آپ سے

مدحت جو لکھ رہا ہوں تو ہے آپ کا کرم

یعنی مرا قلم بھی فروزاں ہے آپ سے

طائف میں غم ملے ہیں تو سب نے یہی کہا

رحم و کرم زمانے کا نازاں ہے آپ سے

معراج پر گئے ہیں تو شانِ فلک بڑھی

قائم زمین پر ہیں تو ذیشاں ہے آپ سے