Who wrote the lyrics "ثنا ان کی ہر دم زباں پر رہے گی"?

سید حب دار قائم is the poet who wrote the lyrics of "ثنا ان کی ہر دم زباں پر رہے گی."

In which book are the lyrics "ثنا ان کی ہر دم زباں پر رہے گی" written?

These lyrics are included in the book "مداحِ شاہِ زمن."

The lyrics are written in urdu.

"ثنا ان کی ہر دم زباں پر رہے گی" is categorized as a naat.

ثنا ان کی ہر دم زباں پر رہے گی

ارم میں رہے گی یہاں پر رہے گی

بشر بھی کریں گے ملک بھی کریں گے

یہ مدحت زمیں آسماں پر رہے گی

مسلماں جو عاشق ہیں سیرت کے ہر دم

لگام ان کی اپنی زباں پر رہے گی

ملے گا نہ جب تک دیارِ محمد

مرے دل کی دنیا وہاں پر رہے گی

اگر مومنوں کے یہ دل میں نہ اترے

تو الفت مؤدت کہاں پر رہے گی

محمد کے بیٹے سے بیعت نہ مانگو

تلاوت وگرنہ سناں پر رہے گی

بعید از قیامت بھی ان کے کرم سے

سدا حمد و مدحت زباں پر رہے گی

خودی کی حفاظت کرے گا جو بندہ

نظر اس کی سارے جہاں پر رہے گی

حدیں کچھ بنائی ہیں میرے خدا نے

حدوں کی حفاظت جواں پر رہے گی

نظر مصطفیٰ کی یہ حرمت پہ قائم

عدو کے یہ تیر و کماں پر رہے گی