تجھ پہ صلوات ہو اللہ کے محبوب نبیؐ
اللہ اللہ تری خوش نسبی، خوش حسبی
تیری خوشبو سے دو عالم میں گلِ مطّلبی
"مرحبا سیّدِ مکی مدنی العربیؐ
دل و جاں باد فدایت چہ عجب خوش لقبی"
تیرے ہی نور سے معمور ہیں جملہ عالم
تو ہی سر چشمہ ہر خیر ہے ا ے میرِ اممؐ
تو ہی سرنامہ امکاں ہے مجھے تیری قسم
"منِ بیدل بہ جمال و عجب حیرانم
اللہ اللہ چہ جمال است بدیں بوالعجبی"
ساری مخلوق کا تاحشر ہے تو راہنما
تجھ سا کوئی نہ ہوا ہے نہ ابد تک ہو گا
اہلِ عصیاں کی شفاعت ترا منصب ٹھیرا
"نسبتے نیست بہ ذات تو بنی آدم را
بہتر از آدم و عالم تو چہ عالی نسبی"
ساری دنیا کےہوئے جاتے ابتر حالات
اہلِ ایماں پہ مسلط ہیں شب و روز آفات
آ کے رستہ ہمیں دکھلا سر دشتِ ظلمات
"ما ہمہ تشنہ لبا نیم و توئی آب حیات
رحم فرما کہ ز حد می گزرد تشنہ لبی"
شام بے کیف ہے میری تو ہے بے نور سحر
ہر طرف گہری اداسی کا ہے میلا منظر
ملتمس ہے تری خدمت میں مرا دیدہ تر
"چشمِ رحمت بکشا سوئے من انداز نظر
اے قریشی لقب و ہاشمی و مطّلبی"
شاعر کا نام :- حفیظ تائب
کتاب کا نام :- کلیاتِ حفیظ تائب