زندگی کا ہے وظیفہ الصّلوٰۃُ والسّلام

زندگی کا ہے وظیفہ الصّلوٰۃُ والسّلام

بچپنے سے یہ ہی سیکھا الصّلوٰۃُ والسّلام

---

روضۂ انور پہ جا کر جب پڑی پہلی نظر

برملا یہ منہ سے نکلا الصّلوٰۃُ والسّلام

---

عُمر بھر کی آرزُو لے کر ، مدینے جب گیا

ورد تھا بس ایک اپنا الصّلوٰۃُ والسّلام

---

کُوچہ و بازارمیں طیبہ کے یُوں پھرتا رہا

رات دن میں گُنگُناتا الصّلوٰۃُ والسّلام

---

وقتِ آخرہو مرا،چہرہ ہو اُنکا سامنے

وہ کہیں چل اب سُنا نا الصّلوٰۃُ والسّلام

---

اِنکی بابت کیاکہاکرتا تھا تُو،بتلا ذرا

با ادب یُوں کہہ سُنایا الصّلوٰۃُ والسّالام

---

قبر میں سرکار کی پہچان کا عبدالجلیل

اِک وسیلہ یہ بھی ہوگا الصّلوٰۃُ والسّلام