کیا کانٹا کیا پھُول اے
ہرصورت مقبول اے
کُل مسیتاں مندر ویکھے
صوفی مست قلندر ویکھے
غیر نہ دِسؔیا مُول اے
ہر صورت مقبُول اے
اپنے نام دی چرچا کرنی
آپے اپنی پُوجا کرنی
ساڈا مذہب اصول اے
ہر صورت مقبُول اے
اپنے من وچ جھاتی پالے
اپنے آپ نوں پھول پھلا لے
باہروں بھال فضول اے
ہر صورت مقبول اے
ایہو ظاہر ایہو باطن
اعظؔم ایہو عرش دا ساکن
ظاہر شکل رسُول اے
ہر صورت مقبُول اے
شاعر کا نام :- محمد اعظم چشتی
کتاب کا نام :- کلیاتِ اعظم چشتی