واگاں حُسن دیاں ساڈے ول موڑ موڑ موڑ
سانوں دم دم رہندی تری لوڑ لوڑ لوڑ
سانوں زلفاں دا کر کے اسیر سوہنیا
سانوں مار کے دونیناں والےِ تیر سوہنیا
ساڈے نیُوں لاونے دی دُہائی پے گئی
رَج گلّاں بھی نہ کیتیاں جُدائی پَے گئی
اکھاں سُک گیاں ہنجواں نوں روہڑ روہڑ روہڑ
بِیبا دم دم رہندی تیری لوڑ لوڑ لوڑ
کاہنوں جھڑکنا ایں عاشقاں نوں دید ہون دے
اینہاں روندیاں نیناں دی اج عید ہون دے
اعظمؔ میریاں اُمیداں دا گلزار لُٹ کے
میرے دل والے باغ دی بہار لُٹ کے
کتّھے چلیاں ایں ساتھوں مکھ موڑ موڑ موڑ
بیبا دم دم رہندی تیری لوڑ لوڑ لوڑ
واگاں حسن دیاں ساڈے ول موڑ موڑ موڑ
شاعر کا نام :- محمد اعظم چشتی
کتاب کا نام :- کلیاتِ اعظم چشتی