اسم اللہ دا لب تےکھڑیا اللہ اللہ اللہ ہو
اندر باہر تے سجے کبھے چانن کیتا اللہ ہو
تارا تارا، پتا پتا دم دم کہندا اللہ ہو
فکروں اُچّا ہو کے ذکر دا ابدی جھرنا اللہ ہو
ازلی جلوہ جس دا پل پل نواں نرویا اللہ ہو
سب توں وکھرا پر مخلوق اچ رچیا رسیا اللہ ہو
زندہ، قائم دائم سب دا پالن ہارا اللہ ہو
زور دلاں دا، نور زمین اسماناں والا اللہ ہو
جنّاں ، انساناں دا اکو سنگ سہارا اللہ ہو
تائب ٹٹے ہوئے دل وچ جس دا ڈیرا اللہ ہو
شاعر کا نام :- حفیظ تائب
کتاب کا نام :- کلیاتِ حفیظ تائب