رحمت ہے تیری بے کراں
تو ہے رحیم و مہرباں
رحمن بھی ، قدوس بھی
خالق بھی تو ، "باری بھی تو
تخلیق تیری شان ہے
منشا ترا صورت گرحسن و جمال
اول بھی تو ، ” آخر “ بھی تو
”ظاہر “ بھی تو ”باطن بھی تو
ارض و سما کا ”نور“ بھی
باعث " ہے تو تخلیق کا
”شاہد“ ہے تو تکوین کا
اے وارث کون و مکاں
تو ہے "رقیب“ دو جہاں
ہر شے نگاہوں میں تری
ہر شے حفاظت میں تری
ہر ”حق“ کی تو بنیاد ہے
تیرے نبی بنیاد "حق"
ابراہیم تیرے دوست ہیں
موسی کے کانوں نے سنی
تری صدائے جادواں
عیسی ترا کلمہ بنے
تیری رفاقت کا نشان
ذات محمد مصطفی
جو حامد و محمود ہیں
تیری ثناء جن پر تمام
ان پر درود ان پر سلام
شاعر کا نام :- ابو الخیر کشفی
کتاب کا نام :- نسبت