منگدا نئیں تیرے کولوں کوئی جاگیر میراں
تیرے قدماں وچ ہووے میری اخیر میراں
شان نرالی تیری ذات ہے عالی تیری
من دی خدائی تینوں پیراں دا پیر میراں
حسنی حسینی میراں سخی لج پال میراں
ولیاں چہ دسدی نئیں کوئی تیری نظیر میراں
خالی نہ موڑیں در توں رحمت دی خیر پاویں
تیرے دوارے آیا تیرا فقیر میراں
کرم کماویں صدقہ طاہر علاؤ الدین دا
ٹٹدی نئیں میرے کولوں غم دی زنجیر میراں
تکدا نئیں غیراں ولے جاندا نئیں غیر دے در تے
تیریاں زلفاں دا جو ہویا اسیر میراں
میرے نصیب جاگے آ گئیاں خوشیاں لاگے
قسمت دی بدلی میری ایسی لکیر میراں
ہر دم میں کراں دعاواں رکھیں رحمت دیاں چھاواں
ویکھیں نیازی دی نہ کوئی تقصیر میراں
شاعر کا نام :- عبدالستار نیازی
کتاب کا نام :- کلیات نیازی