مرحبا کیا شان کیا انوار ہیں
وجد میں آقا کے یار غار ہیں
آج خوش بختی کی بھی معراج ھے
گود میں انکی میرے سرکار ہیں
بوبکر کیا شان پائی آپ نے
کہ خدا و مصطفی کا پیار ہیں
گھر لٹانے جان دینے کیلئے
دیکھئے ہر آن یہ تیار ہیں
اے خدا ہم کو بھی ان کی دید ہو
ہم بھی ان کے طالب دیدار ہیں
جان جاں مجھ کو مدینے پاک کا
اذن دو کہ مالک و مختار ہیں
ہر صحابی جنتی نعرہ ملا
ان سے جو مرشد میرے عطار ھیں
عابد ان کے قدموں میں جو آگئے
ان شاء اللہ خلد کے حقدار ہیں
شاعر کا نام :- محمد عابد علی عطاری