اچھا لگتا ہے یا سب سے اچھا لگتا ہے

اچھا لگتا ہے یا سب سے اچھا لگتا ہے

سب تو کہو سرکارؐ کا منگتا کیسا لگتا ہے

---

ہر دھڑکن سے صلے علیٰ کی آتی ہے آواز

یہ دل بھی میرا تو نہیں ہے اُن کا لگتا ہے

---

جس پہ کرم ہوتا ہے زیادہ میرے پیارے ساقی

تیرے کرم کا اُتنا ہی وہ پیاسا لگتا ہے

---

ان کے در سے پلنے والے اپنا آپ جواب

کوئی غریب نواز ہے کوئی داتا لگتا ہے

---

ان کی نسبت درد نےپائی یہ ہے میری مِعراج

اَب تو یہ آزار محبت جیسا لگتا ہے

---

سوچتا رہتا ہوں میں اکثر وہ خود کیا ہونگے

جِن کے دَر کی خاک کا ذرّہ تارا لگتا ہے

---

لاتعداد درُود پڑھو سَب آقا کے دیوانوں

محفل میں موجود ہیں آقا ایسَا لگتا ہے

---

اُن کا کرم معیارِ کرم ہے اُن کے کرم کے قرباں

مجھ کو ان کی بھیک پہ پلنا اچھا لگتا ہے

---

دور ہوں لیکن پھر بھی خالِدؔ ان گلیوں میں ہوں

کوئی منظر پیشِ نظر ہو طیَبہ لگتا ہے