جس دِل وچ عشق مُحمد دا اُس دِل وچ نور آجاندا اے
جدوں لیے نام محمد دا محفل نوں سُرور آجاندا اے
میں طور دی عظمت من دا ہاں پر وکھری اے شان مدینے دی
جدوں ٹُریئے شہر مدینے نوں ہر قدم تے طور آجاندا اے
جہنوں مل جائے قربت سوہنے دی اوہ نیڑے رہدے ہو جاندا
جو ہووے دُور محمد توں اوہ رب توں دور آجاندا اے
جد سنئے قصہ کربل وچ سید تے ورھدیاں تیراں دا
حُبدار دی اکھ وچ ہنجواں دا سیلاب ضرور آجاندا اے
اوہدے حکم تھیں سورج مُڑدا اے چن ٹوٹے ہو کے جُڑدا اے
اُہدا حکم ہووے تے پتھراں نوں بولن داشعور آجاندا اے
جد ویکھاں اپنے جُرماں نوں میں صائم ڈب ڈب جاندا ہاں
جد ویکھاں اُسدی رحمت نوں جُرماں تے غرور آجاندا اے
شاعر کا نام :- علامہ صائم چشتی
کتاب کا نام :- کلیات صائم چشتی