اے میریا سوہنیا محبوبا میری تقدیر سنواری جا
گھر میرے جاندا جاندا ای اک سوہنیا جھاتی ماری جا
دیہہ خیر نشیلیاں نیناں دے مخمور پیالیاں دی ساقی
اک دے کے جام نگاہواں دا مینوں بھی چاہڑ خماری جا
دل وچ اُڈیک تساڈی دے ہر ویلے دھڑکدا رہندا اے
مُل پے جائے اس دی دھڑکن دا نیناں دی پھیر کٹاری جا
جے منگتیا منگن آیا ایں توں سوہنے کملی والے توں
جو منگ سکناں ایں منگی جا دامن نوں ہور کھلاری جا
چھڈ کشتی سٹ پتواراں نوں بے طلب جے کنڈھا لبھن دی
ڈر لاہ کے آج طُوفاناں دا لابحرعشق وچ تاری جا
اے صائم مُل جے وٹناں ایں توں جاندیاں جاندیاں ساہواں دا
جا یار دے پاک دوارے تے جند واری جا ، دم ہاری جا
شاعر کا نام :- علامہ صائم چشتی
کتاب کا نام :- کلیات صائم چشتی