کول اپنے رکھ مدینے والیا
روندی رہندی اکھ مدینے والیا
تیرے ورگا اِک ناں ہوناں جگ تے
میرے ورگے لکھ مدینے والیا
تیتھوں ہولے دھرتیاں اسمان نیں
میتھوں بھارے ککھ مدینے والیا
تیرے ہتھ وچ ڈور سب مخلوق دی
تینوں سب دا پکھ مدینے والیا
دیکھیا جس تینوں کیہڑا اوس نوں
فیر دیوے دکھ مدینے والیا
توں خُدا نئیں ٹھیک ، تیرے توں مگر
کو خُدا اے وکھ مدینے والیا
اوہنوں ڈر صائم کدوں طوفان دا
تیری جہنوں رکھ مدینے والیا
شاعر کا نام :- علامہ صائم چشتی
کتاب کا نام :- کلیات صائم چشتی