اَج آگیا میرا پاک نبی اَج آگیا میرا پاک نبی
پُھل کِھڑ پئے سارے گلشن وچ اَج مہک پی اے کلی کلی
اَج آگیا میرا پاک نبی اَج آگیا میرا پاک نبی
آمنہ دے گھر مینہہ ورھدا اے خوشیاں دا
گود جہدی وچ لاڑا آیا نبیاں دا
انج نور سی ورهدا الله دا روشن سی ہو گئی گلی گلی
اَج آگیا میرا پاک نبی اَج آگیا میرا پاک نبی
بھاویں پِچھوں گئی حلیمہ دائی سی
رب دی رحمت پا جھولی لے آئی سی
چن آمنہ دا جد گود لیا اوہدی گودی ہو گئی ہری بھری
اَج آگیا میرا پاک نبی اَج آگیا میرا پاک نبی
جس دی خاطر رب نے جگ بنایا اے
اوه دو جگ دا مالک سوہنا آیا اے
پئے نعتاں اوہدیاں پڑھدے نے دنیا دے سارے نبی ولی
اَج آگیا میرا پاک نبی اَج آگیا میرا پاک نبی
کملی والا آیا دو جگ تر گئے نے
پوریاں ہویاں آساں بھانڈے بھر گئے نے
سرکار دے صدقے آج سب دی ہو گئی اے قسمت کھری کھری
اَج آگیا میرا پاک نبی اَج آگیا میرا پاک نبی
صائم جہڑے لنگر لاندے سوہنے دا
خوشیاں نال میلاد کراندے سوہنے دا
اوہناں دیاں آساں دی کھیتی کر دتی رب نے ہری بھری
اَج آگیا میرا پاک نبی اَج آگیا میرا پاک نبی
شاعر کا نام :- علامہ صائم چشتی
کتاب کا نام :- کلیات صائم چشتی