اَج راتیں کالی کملیؐ والے رونق لائی عرشاں تے
اَج راتیں حُوراں تے ملکاں نے عید منائی عرشاں تے
جیہڑا جَو دی روٹی کھاندا سی جیہڑا پھو ہڑ اُتے سوں جاندا سی
اَج راتیں ویکھن والی سی اوہدی وڈیائی عرشاں تے
دُکھ سہہ سہہ کے بَد کاراں دے محبُوبؐ جدوں غمگین ہویا
دل راضی کرن لئی اوہدا ربّ سیر کرائی عرشاں تے
ایہہ عام بشر نیں چیزاں کیہ کوئی نبیاں ولیاں وچّوں وی
دسو چا جسدی ہوئی ہووے اَج تیک رسائی عرشاں تے
اُمّت احساناں اوہدیاں نوں بھلّے تے کویں بُھلے تائبؔ
جس اُمّت دے رکھوالے نے اُمّت نہ بھلائی عرشاں تے
شاعر کا نام :- حفیظ تائب
کتاب کا نام :- کلیاتِ حفیظ تائب