Who wrote the lyrics "عجب ہے رنگ عجب ہے فضاء مدینے میں"?

حضرت ادیب رائے پوری is the poet who wrote the lyrics of "عجب ہے رنگ عجب ہے فضاء مدینے میں."

In which book are the lyrics "عجب ہے رنگ عجب ہے فضاء مدینے میں" written?

These lyrics are included in the book "خوشبوئے ادیب."

The lyrics are written in urdu.

"عجب ہے رنگ عجب ہے فضاء مدینے میں" is categorized as a naat.

برس رہی ہے کرم کی گھٹا مدینے میں

طواف کر کے حرم کا چلو مدینے چلو

ملے گا اب تمہیں اس کا صلہ مدینے میں

ہُوا ہے دفن بریلی میں جسد عاشق کا

ہے روحِ حضرتِ احمد رضاؔ مدینے میں

ہر ایک آنکھ کی ہے جستجو دیارِ حبیب

ہر ایک قلب کا ہے مدعا مدینے میں

تھا کیف روح میں دل میں سرور آنکھ میں نم

نمازِ عشق ہوئی جب ادا مدینے میں

خدا کو ڈھونڈنے والے سبھی وہیں پہنچے

سُنا یہ جب ہے خدا کی رضا مدینے میں

اسی کی چیز محمد ہاتھ سے محمد کے

بہشت بانٹ رہا ہے خدا مدینے میں

دکھا کے طور پر اک بار حق نے اپنا جمال

کس اہتمام سے پردہ کیا مدینے میں

رہا نہ رشتہ کوئی شب کا ظلمتِ شب سے

بنا جو مسکنِ شمس الضحیٰ مدینے میں

سب اس کا طوف کریں وہ طواف کس کا کرے

یہ بات پوچھنے کعبہ گیا مدینے میں

ادیبؔ مار کے دونوں جہان کو ٹھو کر

خدا سے مانگ رہا ہے قضا مدینے میں

کتاب کا نام :- خوشبوئے ادیب