اللہ دے محبوبا کالی کملی والیاں سائیاں
خیر کرم دا جھولی پا کے کر دیو دُور جدائیاں
ہر شے دا مختار نبیؐ ایں امت دے مختارا
تینوں جہڑیاں شاناں ملیاں ہور کسے نئیں پائیاں
باہج ظہور تیرے دے ہیسی دو جگ وچہ ہنیرا
فرش توں لے کے عرشاں توڑی تیریاں سب رُشنایاں
رات تری زلفاں توں صدقے دن مکھڑے توں واری
رل مل حوراں تیرے در تے دین سلامی آئیاں
جد وی لوکی جان مدینے مینوں چین نہ آوے
کد آوے گی میری واری چِر دیاں آساں لائیاں
تیرے باہجوں درد ظہوریؔ کون ونڈاون والا
یاد تری نے آن وسائیاں میریاں سب تنہائیاں
شاعر کا نام :- محمد علی ظہوری
کتاب کا نام :- کِتھے تیری ثناء