آمنہ بی بی کے گلشن میں آئی ہے تازہ بہار
پڑھتے ہیں صلی اللہ وسلم آج درو دیوار
نبی جی اَللہ اَللہ اَللہُ لَا اِلٰہَ اِلَّا ھُوْ
بارہ ربیع الاول کو وہ آیا دُرِ یتیم ؐ
ماہ نبوت‘ مہرِ رسالت صاحبِ خلقِ عظیم
نبی جی اَللہ اَللہ اَللہُ لَا اِلٰہَ اِلَّا ھُوْ
آیا والی دو جگ کا اور اللہ کا مقبول
شافع محشر، ساقی کوثر ، پیارا محمدّ رسول
نبی جی اَللہ اَللہ اَللہُ لَا اِلٰہَ اِلَّا ھُوْ
حامد و محمود اور محمّد دو جگ کا سردار
جان سے پیارا راج دُلارا ، رحمت کی سرکار
نبی جی اَللہ اَللہ اَللہُ لَا اِلٰہَ اِلَّا ھُوْ
یٰسین و طٰہٰ کملی والا قرآں کی تفسِیر
حاضر و ناظر شاہد و قاسم آیا سراجِ منیر
نبی جی اَللہ اَللہ اَللہُ لَا اِلٰہَ اِلَّا ھُوْ
اوّل و آخر سب کچھ جانے دیکھے بعید و قریب
غیب کی خبریں دینے والا اللہ کا وہ حبیب
نبِی جِی اَللہ اَللہ اَللہُ لَا اِلٰہَ اِلَّا ھُوْ
درد مندوں کی سننے والا بے کس کا غمخوار
دُکھیا دلوں کا ہے وہ سہارا حامئ روزِ شمار
نبِی جِی اَللہ اَللہ اَللہُ لَا اِلٰہَ اِلَّا ھُوْ
حسن سراپا ذات کا مظہر ، اللہ کی بُرہان
محسن اعظم ، رحمت عالم ، ہے وہ ایمان کی جان
نبِی جِی اَللہ اَللہ اَللہُ لَا اِلٰہَ اِلَّا ھُوْ
سب سے اکرم ، سب سے اشرف سب سے ہے وہ اعلےٰ
مالکِ جنت ، قاسم نعمت سب سے ہے وہ بالا
نبِی جِی اَللہ اَللہ اَللہُ لَا اِلٰہَ اِلَّا ھُوْ
دور بلائیں کرنے والا ، اُمت کا غم خوار
حافظ و حامی، شافع و نافع ، رحمت کی سرکار
نبِی جِی اَللہ اَللہ اَللہُ لَا اِلٰہَ اِلَّا ھُوْ
سیّد مکی شاہ مدینہ پیارے نبی جی آئے
چھین لیا دل ، من موہن نے چاند سا مکھڑا دکھائے
نبِی جِی اَللہ اَللہ اَللہُ لَا اِلٰہَ اِلَّا ھُوْ
بہر سلامی سارے فرشتے آسمانوں سے آئے
صبح ولادت پیارے نبی پر صلوٰۃ و سلام پہنچائے
نبِی جِی اَللہ اَللہ اَللہُ لَا اِلٰہَ اِلَّا ھُوْ
پیاری سی صورت ہنستا چہرا منہ سے جھڑتے پھول
نور کا پُتلا، چاند سا اجلا ، حق کا پیارا رسول
نبِی جِی اَللہ اَللہ اَللہُ لَا اِلٰہَ اِلَّا ھُوْ
کفر و شرک کالی گھٹائیں ہوگئیں ساری دور
مشرق و مغرب دُنیا اندر ہو گیا نور ہی نور
نبِی جِی اَللہ اَللہ اَللہُ لَا اِلٰہَ اِلَّا ھُوْ
جبریل آئے جھولا جھُلانے لوری دے ذیشان
سوجا سوجا رحمتِ عالم دو جگ کے سُلطان
نبِی جِی اَللہ اَللہ اَللہُ لَا اِلٰہَ اِلَّا ھُوْ
شاعر کا نام :- نامعلوم